(عائشة فتاة في بداية الالتزام ولكن تواجه بعض المشكلات التي يواجهها أي شخص في بداية التزامه يسعى ليكون ملتزما نعم هي لم تكن متبرجه ولكن تؤدي الصلاة كأنها روتين يومها ولا تفعل شيئا آخر في يومها ولكنها الآن تغيرت بالكامل فقد ارتدت النقاب وكان كل هذا فضل صديقه لها تدعى فاطمة صديقتان بنفس الكلية في السنة الثانية هما الاثنتان).
المشهد الأول
(في بيت عائشة )
عائشة في منزلها: يا ربي مين اللي شال الموبايل من هنا
الأم: أي يا عائشة صوتك عالي ليه
عائشة: الموبايل ملقتهوش جنبي كنت ظابتاه على صلاة الفجر
الأم: معلش يا بنتي اتصلت بخالتك بالليل بعد ما نمتي ونسيت أحطهولك
عائشة: ماشي يا ماما خلاص متشليهوش تاني بقا
عائشة تجلس هي ووالدتها في غرفة الصالون
عائشة: ماما ممكن البس نقاب
الأم: يا بنتي مش وقته
عائشة: يا ماما أنا بحبه ونفسي ألبسه وهو ملهوش وقت وكمان حاسة إن هو هيقربني لربنا
الأم: قلت لأ ابقي البسيه عند زوجك
(وفي هذه اللحظة طرق باب المنزل طارق
فأجابت عائشة فوجدتها فاطمة صديقتها)
فاطمة: السلام عليكم
عائشة: عليكم السلام اتفضلي
(جلسا معا في غرفة عائشة)
فاطمة: ها يا ستي حفظتي واللا هتغلبيني معاكي
عائشة: أنا حفظت بس آخر شويه لسة
فاطمة: في حد هينضرب النهار ده ههههه
(وضحكتا معا)
(سألت كل وحده منهما الأخرى فيما تحفظ أذن المغرب ثم صلوا في جماعه وغادرت فاطمة المنزل
ذهبت عائشة لتجلس مع والدتها ووالدها فهي وحيدتهم)
عائشة: بابا ممكن ألبس النقاب
الأب: بعد الكلية مش وقته يا بنتي
عائشة: وأنا اللي كنت جاية أشتكيلك من ماما
الأم: أكيد صحبتك فاطمة هي اللي بتزن عليك وبتلعب في دماغك
الأم: خلاص اقفلي الموضوع دا قولت لأ يعني لأ وقومي روحي لطنط جارتنا علشان خطوبة بنتها بكرة
عائشة: أيه دا بجد ملك هتتخطب؟
الأم: آه قومي بقا
عائشة: خلاص قايمة أهوه ولبست جلبابها وعليه الخمار وهي تشبه الأميرات
(في منزل ملك)
عائشة: إزيك يا ملك عامله إيه؟
ملك: تمام الحمد لله يا عائشة
عائشة: مبارك عليك يا حبيبتي ربنا يجعله زوجا صالحا لكي
ملك: الله يبارك فيكي وعقبالك
عائشة: هامشي أنا بقي يا ملك وأبقا أجيلك وقت الحفلة
ملك: ماشي يا حبيبتي اتفضلي
(في اليوم التالي ذهبت عائشة الحفلة كما قالت لملك وهناك رأت مالم تتوقعه فقدت شاهدت حفله بها اغاني صاخبه ورأت بها اختلاط جلست مع بعض الفتيات صديقتها رقد التقطوا بعض الصور والقت السلام على ملك ثم غادرت سريعا لأنها لا تحب هذا النوع من الحفلات ذهبت الى منزلها وروت لأمها على منظر الحفلة)
الأم: إن شاء الله في خطوبتك نعمل حفلة أحسن من دي
عائشة: لأ يا ماما أنا عايزة حفلة بسيطة كدا مفيهاش أغاني وتكون فيها العيلة والأصحاب بس.
الأم: إحنا هنعملها في قاعة وهندعي الناس كلها
عائشة: يا ماما أنا عايزة أعملها إسلامي
الأم: خلاص يا بنتي احنا هنروح القاعة وناخد العريس وخليكي في البيت واحنا هنجبلك الدبلة وإحنا جايين
(وضحكتا معا ثم ذهبتا إلى النوم)
(في الصباح)
الأم: قومي يا بنتي علشان نجهز
عائشة: نجهز إيه يا ماما ما أنا مرتبه البيت إمبارح
الأم: يا بنتي قومي عندنا شغل كتير وبعدين عايزيين ننزل نجيب خضار
عائشة: آديني قومت يا ماما وبعدين مانت بتنزلي السوق لوحدك
الأم: ما أنا عايزاكي تتعلمي علشان بعد كدا تعتمدي على نفسك
عائشة: كلامك ورا حاجه يا نبع الحنان خيرا، اصدميني.
الأم: جاي لك عريس كويس ودكتور.
عائشة: ماشي يا خوفي يطلع زي إخواته
(ذهبت هي والدتها للتسوق وبعد ان عادوا الى المنزل اعدو الطعام وبعض من لوازم الضيافة وبعد أن انتهوا ذهبت عائشة إلى غرفتها لتجهيز نفسها فقد ارتدت فستانا رمادي اللون وخمارا باللون الأبيض وقدم العريس وذهب والدها وأحضرها من الغرفة وأجلسها على كرسي مقابل العريس وجلس هو وعائلة العريس في مكان يقربهم),
المشهد الثاني
(في بيت عائشة )
(عائشة تجلس مع العريس وتتحدث معه)
العريس: إزيك يا آنسة عائشة
عائشة: الحمد لله يا أستاذ؟؟وقالت في نفسها يادي النيلة نسيت اسأل على اسمه هحاول اداري على نفسي بقا
العريس: رحتي فين يا آنسة
عائشة: أنا هنا ممكن اسأل سؤال
العريس: اتفضلي
عائشة: إيه رأيك في النقاب
العريس: شايف ان هو تعقيد بصراحة
عائشة في نفسها: صريح اوي ومن اولها نزلت في اول سؤال
العريس: نفسي اعرف بتروحي فين يا آنسة عائشة
عائشة: لأ ابدا بس كنت بجهز السؤال اللي بعده
العريس: اتفضلي
عائشة: عايز فرحك يبقى إزاي
العريس: لأ بقا دا هيبقى غير كل الأفراح
عائشة في نفسها: أيوه كدا ياشيءخ وقعت قلبي
العريس: مش هيبقى فيه دي جي والكلام الفاضي دا
عائشة: عندك حق والله
العريس: أنا هجيب مطرب
عائشة في نفسها: يا حلاوه دانت مرفوض بالثلاثة
العريس: وهحجز في قاعة كبيره جدا وهعزم ناس كتيره جدا
عائشة: أنا خلصت الأسئلة حضرتك عندك اسأله
العريس: لأ أنا معنديش اسأله
وغادر هو وأسرته وذهبت عائشة لصلاة العشاء وصلت استخارة لكي لا تظلمه وكانت النتيجة أنها لم تشعر بالراحة
بعد يومين
العريس: الو
والد عائشة: إزيك يا بني عامل إيه
العريس: كويس يا عمي ممكن اعرف الجواب
والد عائشة: معلش يا ابني دقيقتين وراجعلك تاني
العريس: اتفضل ياعمي
وذهب والد عائشة ليسألها على رأيها
عائشة: لأ يا بابا مش موافقه
الأب: على راحتك يا بنتي
الأب: بص يا ابني كل شيء قسمة ونصيب
العريس: فهمت يا عمي سلام
عائشة تتصل على فاطمة
عائشة: ألو قصدي السلام عليكم
فاطمة: عليكم السلام يا قمري
عائشة: بقولك إيه أنا جالي عريس
فاطمة: ألف مبروك طيب هو كويس
عائشة: لأ خلاص ما أنا رفضته هههه
فاطمة: يا سلام وجاية تقوليلي دلوقتي
عائشة: آسفه خلاص مش هعمل كدا تاني
فاطمة: خلاص سماح المرة دي
فاطمة: كويس إنك اتصلتي عايزة أنزل اشتري لبس للجامعة
عائشة: ماشي هتنزلي إمتى وأنا أشوف ماما ونروح مع بعض
فاطمة: ماشي أسأليها وقوليلي ومتنسيش تدعيلي في القيام والفجر ياللا سلام بقا
عائشة: ماشي يا ستي سلام
ذهبت عائشة لتستأذن والدتها
عائشة: ماما ممكن انزل أشتري لبس أنا وفاطمة
الأم: ماشي يا حبيبتي بس خلي بالك من نفسك ومتتأخريش
عائشة: ماشي يا أحلي أم في الدنيا
الأم: ماشي يا بكاشة
تتصل عائشة بفاطمة
عائشة: السلام عليكم
فاطمة: عليكم السلام ها عملتي إيه
عائشة: انت بتشكي فيا وإلا إيه جاية طبعا إن شاء الله يعني
فاطمة: ماشي يالا سلام هعدي عليك
عائشة: ماشي سلام وبسرعه علشان منتأخرش
فاطمة: سلام بقا إيه الرغي دا
وصلت فاطمة إلى منزل عائشة واتصلت بها لكي تنزل لها
عائشة: يالا ياباشا فاطمة
عائشة: يالا يختي
(في المحل)
صاحب المحل: ها يا آنسات أساعدكم إزاي
عائشة: ممكن تناديلنا بنت تساعدنا
صاحب المحل ماشي استريحو وأنا هناديلكو مريم. وهي فتاه تعمل بالمحل
مريم: حاضر يا آنسات ممكن اساعدكم في إيه
فاطمة: احنا عايزين القسم اللي فيه الإدناآت
مريم: اتفضلو من هنا
عائشة: شوفي دا يا فطوم دا لونه جميل اوي
فاطمة: آه فعلا جميل أنا هاخد واحد زيه
واختارت كل من هما ادناء وخمارا يليق عليه واختارت فاطمة نقابا لأنها من المنتقبات
عائشة: إمتى وأجيب نقاب بقا
فاطمة: ربنا يرزقك بيه يا حبيبتي
عائشة: اللهم آمين
وذهبت كل واحدة منهن إلى المنزل
في المحل
صاحب المحل: أي دا هو في بنات كدا
مريم: آه صحيح دول محترمين اوي ربنا يكرمهم
المشهد الثالث
(في منزل مريم)
الأم: مش ناوي تفرحنا يا ابني وهو يدعى محمد وهو الأخ الأصغر لمريم وهو متخرج حديث من كلية الهندسة
محمد: يا ماما أنا لسه متخرج ولسه اهو اول يوم ليا في الشركة بكرا ادعيلي وبعدين لسه ملقتش بنت الحلال
الأم يا ابني مانت ابوك مجهزلك كل حاجه قبل ما يموت
الأم: ربنا معاك يا ابني
وذهب محمد إلى النوم بينما مريم جالسه مع والدتها
مريم: يا ماما أنا سمعتك وانت بتكلمي محمد وعندي عروسه
الأم: مين يا بنتي أنا أعرفها؟
مريم: لأ يا ماما متعرفهاش بس أنا شفتها في المحل وهي مؤدبه جدا
الأم: طيب اسمها إيه وبيتها فين
مريم: اسمها عائشة يا ماما بس مش عارفه بيتها فين
الأم: طيب قومي من جنبي لتجبيلي جلطة وأنا لسه في عز شبابي ههههههه
في منزل عائشة
الأم: إيه اللي انت جايباه دا يا بنتي
عائشة: دا إدناء يا ماما
الأم: آه دا جميل وخامته حلوه اووي ابقي وديني المحل دا اشتري منه والا مليش نفس أنا كمان
عائشة: أي يا ماما دا احنا نجبلك المحل لحد عندك وضحكا معا
دخل والد عائشة عليهم فوجدهم يتحدثون
الوالد: ها بتضحكوا على إيه ضحكوني معاكو
الأم: مفيش يا بو عائشة دا أنا كنت بقلها توريني المحل علشان أشتري
الأب: ها قاعدين تتفقوا وتخططوا وأنا اللي أدفع
الأم: الله عليك يا بو عائشة لماح إيدك بقا على خمسمياية
الأب: اتفضلي ياستي اتشبرقي بس متنسوناش افتكروني في حتة شكولاتة حتي. هههه
الأم: ماشي يا غالى ههههه
(في اليوم التالي)
الأم: قومي يا عائشة الساعة بقت 9عايزين نروح نشتري لبس
عائشة: يا ماما سيبيني نائمة شويه
الأم: قومي بقا أنا لبست
عائشة: لبستِ! هو أنا الأم والا أنت هههه
الأم: قومي بقا يا لمضه
استيقظت عائشة وارتدت جلبابها وخمارها وذهبا معا إلى المحل ورآها صاحب المحل فنادى لها مريم
عائشة: إزيك يا مريومة عامله إيه
مريم: الحمد لله تمام
عائشة: يدوم حمدك ونبض قلبك أنا ليا عموله جبتلكو زبونه اهي هههه
مريم: آه طبعا هههههه
الأم: حلو دا يا عائشة
عائشة: جميل يا ماما
الأم خلاص أنا هشتريه يالا بقا نحاسب علشان نشتري باقي الحاجات
عائشة: شكلك هتدوخيني يا ست الكل
الأم: طيب يالا يا لمضه
خرجوا من المحل واستأذنت مريم من صاحب المحل ان تغادر اليوم باكرا فوافق وسارت خلفهم الى ان اشتروا مأيلزمهم ثم ذهبوا إلى المنزل ثم عادت مريم إلى منزلها ام مريم: اتأخرتي ليه يا حبيبتي
مريم: كنت بشوفلك العروسه ثم قصت عليها ما حدث
الأم: يا بنت الإيه عملتي دا كله
مريم: آه أنا عايزة أخلص من الشاي بقا
ذهبت الأم إلى محمد يا ابني احنا شوفنالك عروسه
محمد: أي دا وأنا آخر من يعلم هههه على العموم يا أمي هشوفها لو عجبتني ماشي
الأم: أكيد هتعجبك
محمد: دانتو واثقين بقا
الأم: ها هنروح بكرا بعد المغرب
محمد: ما تروحو أنا منعتكو ههههه
الأم: كتر خيرها الصراحة ربنا يكون في عونها
محمد: ليه دأنا حتي عسول وأمور ودمي شربااااات
الأم: خلاص روح نام علشان شغلك ومتنساش بكرا تيجي بدري
محمد: ماشي يا أمي تصبحي على خير هي مريومة فين صحيح
الأم: لأ دي في سابع نومه تعبانة من اللف ورا العروسة
محمد: عروسة إيه
الأم: لأ دا موضوع طويل ابقا أحكهولك بكرا ان شاء الله
محمد: ماشي يا أمي تصبحي على خير
في اليوم التالي ذهب محمد إلى عمله بينما عائشة تتصل بفاطمة لتخبرها ان اول محاضره لهم في السنة الثالثه غدا وبعد ان عاد محمد إلى المنزل
محمد: ها يا أمي هنعمل إيه
الأم: مش عارفه يا ابني دا احنا مش معانا رقم حتى نرن عليه
محمد: خلاص يبقى نروح على طول
الأم: مينفعش يا ابني لازم نتصل الأول
محمد: يا أمي متكبريش الموضوع
الأم: خلاص هسمع كلامك المجنون لما نشوف هنوصل لحد فين ونادي على المجنونة الثانية عايزين. نوصل قبل المغرب
مريم: يلا ورأيا يا عصابة حسب الله
الأم: يا ربي مخلفه مجانين
المشهد الرابع
وصلوا إلى منزل عائشة وفتح لهم والد عائشة
محمد: السلام عليكم
والد عائشة: عليكم السلام يا ابني وقد تذكر صديقه في العمل وظن ان إسلام ابنه إلى ان قطع شروده محمد يا عمي أنا جاي في موضوع شخصي مينفعش على الباب
والد عائشة: اتفضل يا ابني
محمد: شكرا يا عمي اتفصلي يا أمي يللا يا مريم ادخلي
وجلسوا في غرفة الصالون بينما والدة عائشة مستغربه ان زوجها لم يخبرها ان لديهم ضيوف ولكن الأمر ليس بيده
محمد: يا عمي أنا جاي اطلب أيد بنت حضرتك
والد عائشة: يبني انت جيت فجأة وأنا مقلتلهاش هقولها أخليها تطلع
محمد: اتفضل يا عمي
وبعد قليل من الوقت خرج الوالد ومعه عائشة ثم تركوهم بمفردهم وجلسوا في مكان يقربهم بحيث ليكونوا بمفردهم
محمد: إزيك يا آنسة!!اوبا إزاي نسيت اسأل على الاسم
عائشة: وهي تكتم ضحكاتها فقد لاحظت الحمد لله تمام حضرتك
محمد: أعرفك بنفسي أنا محمد ولسه متخرج السنادي من كلية الهندسة والحمد لله لقيت شغل كويس أنا خلصت ممكن تعرفيني بنفسك
عائشة: اسمي عائشة وفي كلية التربية في سنه تالته
محمد: ممكن اقلك المواصفات لو حبتيها تمام
عائشة: اتفضل
محمد: بصي بقا أنا عايز مراتي لابسه نقاب وعايز فرح إسلامي وأناشيد دينية ومش عايز اغضب ربنا يعني
عائشة: وهي تحدث نفسها أيوا كده يا معلم هو دا الكلام
محمد: رحتي فين يا آنسة
عائشة: لا ابدا مع حضرتك اهو
محمد: ممكن تقولي المواصفات
ولكن العشاء اذنت فذهب هو ووالد عائشة إلى الصلاة بينما ترك الباقي في المنزل ولم تتحرك عائشة من مكانها بينما جلست الوالدة مع الضيوف وهنا رأت مريم ولكنها استغربت وجود مريم بمنزلهم
والدة عائشة: السلام عليكم إزيك يا مريم
مريم: الحمد لله يا طنط
وبعدها جائو من صلاة العشاء وذهب محمد للجلوس في مكانه
محمد: السلام عليكم كنا بنقول إيه قبل الصلاة
عائشة: عليكم السلام كنا بنتكلم عن المواصفات
محمد: طيب اتفضلي
عائشة: في نفسها مانت قلت كل اللي أنا عايزاه وفيك كل الواصفات
محمد: وقد لا حظ خلاص أنا هاستأذن وهانتظر الرد
عائشة: اتفضل
غادر محمد منزل عائشة هو وأسرته
والدة عائشة: إيه يا بو عائشة انت أي حد هيقولك عايز اخطب بنتك هدخله على طول مش تسأل عليه
الوالد: أنا لما فتحتله الباب حسيت ان هو ابن صديقي اللي اتوفى في المصنع ولما كنت قاعد مع امه وأخته اتأكدت
الأم: قول كدا بقا بس باين عليه مؤدب
الأب: آه مؤدب جدا ومحافظ على الصلاة
وذهبوا إلى النوم بينما عائشة ذهبت إلى الصلاة وصلت الاستخارة أيضا وشعرت بالراحة وذهبت إلى النوم
في اليوم التالي ذهب الأب إلى ابنته ليسألها عن رأيها
الوالد: ها يا بنتي قلتي إيه محمد هيتصل بكرة
عائشة: اللي تشوفه حضرتك يبابا
الأب: يبقى على خيرة الله
وفي اليوم التالي اتصل محمد ليعرف الرد
محمد: السلام عليكم يا عمي
والد عائشة: عليكم السلام يا ابني
محمد: ممكن أعرف الرد
والد عائشة: موافقين يا ابني توكلنا على الله
محمد: وقد غمرت الفرحة قلبه ماشي يا عمي سلام
وبعد مرور سنه ولنم يكن بها أي تجاوزات بين الإثنين والتزموا بضوابط الخطوبة تماما وقد أدت عائشة امتحانات السنة الثالثة
اتصل محمد: السلام عليكم يا عمي ممكن أعدي على حضرتك علشان نحدد ميعاد كتب الكتاب
والد عائشة: طبعا يا ابني اتفضل في أي وقت
ذهب محمد إلىه بعد ان اغلق المكالمة مباشرة
والد عائشة: تعالي أنا مش عارف إيه ده مجنون هيتزوج مجنونه
محمد: معلش يا عمي خير البر عاجله الكتابة الخميس الجاي
والد عائشة: ربنا يصبرني عليكم ماشي يا ابني والفرح اظن هتقولي الخميس اللي بعده
محمد: لأ طبعا يا عمي ودا كلام
والد عائشة: أيوا كدا يا شيءخ وقعت قلبي
محمد: هيبقي الاثنين ان شاء الله
والد عائشة: مش بقولك مجنون بس هنعديها دانت ابن الغالي
وغادر محمد وهو في قمة السعاده
ذهب الوالد ليخبر ابنته بالمواعيد ففرحت جدا وكيف لا تفرح وقد قذف الله في قلبها حبا شديدا محمد
اتصلت بفاطمة: السلام عليكم يا فاطمة
فاطمة: عليكم السلام
عائشة بقولك إيه كتب الكتاب يوم الخميس
فاطمة: يا مجنونه دانت لسه مجبتيش اللبس
عائشة: يا بنتي لسه بدري
فاطمة: يا بنتي النهار ده الأربع يعني بكره الخميس
عائشة: يا خبر طيب يالا بسرعه البسي علشان ننزل نجيب الفستان
وذهبوا لإحضار الفستان فأتت بفستان باللون النبيتي وعليه خمار باللون الأبيض
وعادو إلى المنزل ولكن ذهبت فاطمة معها وقد استأذنت والدتها ان تبيت عند عائشة الليله
عائشة: أنا فرحانه اوي يا فاطمة وخصوصا إنك هتقعدي معايا النهار ده
وبعد ان وضعوا الماسكات وأدو الصلاة ذهبوا إلى النوم واستغرقهم النوم إلى صلاة الظهر استيقظت فاطمة من نومها
فاطمة: قومي يا عائشة احنا بقينا الضهر والكتابة بعد العصر
عائشة: ياللا بسرعة وجهزت كلا منهن واذن العصر وبعد ان أدو الصلاة حضر محمد ومعه المأذون
تنتظر عائشة في غرفتها إلى ان سمعت بارك الله لكما وبارك عليكما وجمع بينكما في خير ثم خرجت فوجدت محمد على باب غرفتها يحمل شيئا في يده ثم همس في اذنها بحبك يا أميرتي يا صحبتي إلى الجنة والسها النقاب نعم فهو كان ذلك الشيء الذي يحمله وجلسوا طيلة اليوم معا يتحدثان وبعد ذلك غادر محمد وعاد لها في الصباح فوجدها نائمه ثم دخل إلى غرفتها انتظرها إلى ان تفيق وبعد ان استيقظت عائشة من نومها
عائشة: الحقوني الحقوني
محمد وطي صوتك يا مجنونه أنا جوزك
عائشة: آه صحيح أنت جوزي وعايز إيه يا عمي الجوز
محمد: قومي علشان نجيب الفستان
عائشة: آه صحيح تصدق نسيت
محمد: آه طبعا اصدق مصدقش ليه ياللا بقا قومي
(وبينما عائشة تبدل ملابسها جلس محمد مع والد عائشة إلى ان خرجت عائشة وذهبوا لاختيار الفستان وهما في الطريق لفت انتباه عائشة فستانا أبيضا بسيطا جدا فاشتروه ثم عادو وبعد مرور الأيام جاء الموعد المنتظر وأخذ محمد عروسته وجلسوا في القاعة القليل من الوقت ثم غادرو وهكذا يكون الوصول إلى الحلال اذ لو لم يكن صعبا فلا تكون له لذه النصر)
الأديبة عائشة عبد العال